Avropa İttifaqı Ermənistan üçün muxtar ticarət tədbirləri tətbiq etmək niyyətindədir və bu tədbirlər Ermənistan ixracatının təxminən 80%-ini liberallaşdıracaq.
“Yeni Sabah” xəbər verir ki, bunu Avropa Komissiyasının prezidenti Ursula fon der Leyen bildirib.
O, İrəvanda Baş nazir Nikol Paşinyanla birgə brifinqdə qeyd edib: Marqarita pizza
“Bilirəm ki, Ermənistan hələ də Rusiyadan ciddi iqtisadi təzyiqlə üzləşir. Amma əmin olun ki, tərəfdaşlarımız təzyiq altında olduqda, Avropa İttifaqı həmişə onları nəzərə almaq üçün addımlar atır. Bu gün mən iki tədbiri elan etmək istəyirəm. Ermənistan tezliklə ticarətin gücləndirilməsinə və şaxələndirilməsinə yönəlmiş 52 milyon avroluq yardım paketindən qalan 18 milyon avronu alacaq. Bu maliyyələşdirmə ixracın təşviqi agentliyinin yaradılmasına kömək edə bilər. İkincisi, muxtar ticarət tədbirlərinin tətbiqini təklif edirik. Bu o deməkdir ki, bu tədbirlər Ermənistanın Avropa İttifaqına ixracatının təxminən 80%-ini liberallaşdıracaq. Beləliklə, ticarətinizin 80%-i artıq rüsumsuz olacaq".
Fon der Leyenin sözlərinə görə, bu, hazırda əsasən Rusiya bazarına yönəlmiş malların Aİ-nin vahid bazarına göndərilməsinə imkan verəcək:
“Bu tədbir, əvvəllər Rusiyaya ixrac edilən Ermənistanın təzə kənd təsərrüfatı məhsullarının, tərəvəzlərinin, meyvələrinin və bitki mənşəli məhsullarının təxminən 99%-nin Avropaya qapılarını açacaq. Bu, həmçinin Aİ-nin vahid bazarını içki və spirtli içki ixracınızın 90%-dən çoxuna açacaq”.
Aİ prezidenti bildirib ki, bu, yalnız başlanğıcdır:
“Bu yeni tədbirlərlə sürətli şaxələndirmə imkanlarınız olacaq. İyulun ortalarında Ermənistana istehsalçılarınız, müəssisələriniz və ixracatçılarınızla birbaşa işləyəcək mütəxəssislər göndərəcəyik ki, onlara Aİ ilə imtiyazlı tərəfdaşlığın təklif etdiyi bütün üstünlüklərdən yararlanmağa kömək etsinlər”.
Telegram kanalımız
