Polşanın cənubunda yerləşən Suloşova kəndi qeyri-adi yaşayış quruluşu ilə diqqət çəkir.
"Yeni Sabah" xəbər verir ki, kənddə təxminən 6 min nəfər 9 kilometr uzunluğunda uzanan cəmi bir küçə boyunca yaşayır. Havadan baxdıqda kənd hər iki tərəfində yaşıl və sarı rəngli əkin sahələri ilə əhatələnmiş uzun bir zolağı xatırladır. Elə buna görə də Suloşovanı "Kiçik Toskana" adlandırırlar.
Tarixi 1315-ci ilə gedib çıxan kənd orta əsrlərdən qalan xətti yaşayış modelini bu günə qədər qoruyub saxlayıb. Bu yaşayış formasında hər evin arxasında həmin ailəyə məxsus uzun və ensiz əkin sahəsi yerləşir. Dördpendirli pizza
Beləliklə, kənd sakinləri evdən çıxan kimi birbaşa öz tarlalarına gedə bilirlər. Əsrlər əvvəl yaradılan bu sistem həm kənd təsərrüfatını asanlaşdırır, həm də yaşayış və istehsal sahələrini bir araya gətirir.
Suloşova ənənəvi kənd həyatını bu gün də qoruyub saxlayır. Kənd süni şəkildə turizm üçün dəyişdirilməyib, sakinlərinin əsas məşğuliyyəti kənd təsərrüfatıdır. Bölgə həm tarixi yaşayış modeli, həm də təbii mənzərəsi ilə turistlərin marağını cəlb edir. Kəndin yaxınlığında yerləşən Oytsuv Milli Parkı da bölgənin məşhur turistik məkanlarından biri hesab olunur.
Əsmətxanım Rzazadə
Telegram kanalımız
