“Gözlənilən güclü zəlzələ artıq baş verib”.
“Yeni Sabah”ın xəbərinə görə, bu sözləri geologiya mütəxəssisi, professor Şener Üşümezsoy Mərmərə bölgəsində 7,8 bal gücündə zəlzələ olacağı ilə bağlı iddialara münasibət bildirərkən deyib.
O qeyd edib ki, Türkiyədə gözlənilən böyük zəlzələ əslində 1999-cu il avqustun 17-də olub.
Ş.Üşümezsoyun sözlərinə görə, Mərmərə dənizində 7,8 bal gücündə zəlzələ baş verməsi üçün 400 kilometr uzunluğunda və 15 kilometr dərinliyində bir qırılma xətti olmalıdır:
“Mərmərə dənizinin eni 150 kilometr, bəzi yerlərinin dərinliyi isə 10 kilometrdən azdır. Belə şəraitdə bu ölçüdə qırılma mümkün deyil”.
Alim əlavə edib ki, Yalova-Yeşilköy arasındakı 65 kilometrlik qırıq 1894-cü ildə qopub və həmin ərazidə yeni güclü zəlzələ üçün gərginliyin toplanması lazımdır.
“Mərmərədə əvvəllər partlayan nasazlıq var. 100 ildir gözlənilən zəlzələ 1999-cu il avqustun 17-də artıq baş verib”, - o vurğulayıb.
Aytac Əliyeva
Telegram kanalımız
