TRIPP (Beynəlxalq Sülh və Rifah üçün Tramp Marşrutu) layihəsinin (Ermənistan-Amerika layihəsi) mümkün həyata keçirilməsinin yaratdığı risklərin idarə edilməsi və çətinliklərin aradan qaldırılması İran-Ermənistan münasibətlərinin gündəliyində qalmalıdır və qalacaq.
"Yeni Sabah" news.am-a istinadla xəbər verir ki, bunu İranın Ermənistandakı səfiri Xəlil Şirqolami mətbuat konfransında bildirib.
Diplomat əlavə edib ki, İran və ABŞ arasında memorandum imzalandıqdan bəri Vaşinqton onun müddəalarını dəfələrlə pozub: "Buna görə də İranın sərhədlərində Amerikanın mövcudluğu ilə bağlı narahatlıqları çox qanuni və məntiqlidir və buna aydın cavab verilməlidir". Dominos pizza
Səfir izah edib ki, Ermənistan hökuməti TRIPP layihəsinin həyata keçirilməsinin İran üçün heç bir təhlükə yaratmadığına və Amerikanın mövcudluğu nəticəsində heç bir çətinlik yaratmadığına zəmanət verib.
Şirqolami əlavə edib: "Ermənistan hökumətinin vəziyyətin qarşısını almaq üçün tam potensialı reallaşdıra biləcəyi mexanizmlər hazırlamaq lazımdır, eyni zamanda Amerikanın mövcudluğuna və İran üçün mümkün risklərə və təhdidlərə aydın cavab verilməlidir".
Telegram kanalımız
