“Bütün KTMT üzvləri birləşməli və birgə fəaliyyət göstərməlidir”.
Yenisabah.az “Sputnik Belarus”a istinadla xəbər verir ki, bu barədə Belarus prezidenti Aleksandr Lukaşenko KTMT-nin baş katibi İmanqali Tasmaqambetovla görüşündə bildirib.
Onun sözlərinə görə, hazırda təşkilatın qarşısında kifayət qədər problemlər var, ona görə də Belarus sədrliyi dövründə mövcud problemləri həll etməyə çalışacaq: Pepperoni pizza
“Xüsusən, KTMT-yə üzv dövlətlərin sərhədləri daxilində... Mən sizin təcrübənizi boş yerə demirəm. Yaddaşınız əladır. Siz həm Qafqazı, həm də Orta Asiyanı yaxşı tanıyırsınız. Orada bizim problemlərimiz var”.
Bundan başqa, Lukaşenko İ. Tasmaqambetova təklif edib ki, problemləri həll etməyə və bütün KTMT-yə üzv ölkələri birləşdirməyə çalışsın, çünki indi çətin dövrdür:
“Bəlkə də çoxları düşünür ki, Ukrayna ilə Rusiya arasındakı münaqişə bizim münaqişəmiz deyil və ya biz kənara çəkilə bilərik, lakin bu, baş verməyəcək. Vaxt gələcək, – bu vaxt uzaqda deyil – qərar tələb edəcək ki, artıq mövqe tutmaq lazımdır”.
Qeyd edək ki, KTMT Ermənistan, Belarus, Qazaxıstan, Qırğızıstan, Rusiya və Tacikistandan ibarətdir. Belarus bu il KTMT-yə sədrlik edəcək.
Telegram kanalımız
