“Mançester Yunayted” azarkeşlərinin etiraz aksiyası cəza ilə nəticələnib.
"Yeni Sabah" Atletic-ə istinadla xəbər verir ki, klub noyabrın 3-də Çempionlar Liqasının ümumi mərhələsinin 4-cü turunda “Roma” ilə keçirilən və 3:2 hesabı ilə qalib gəldiyi oyunda meydana tennis topları atan 4 azarkeşin ev stadionuna girişini qadağan edib.
Azarkeşlər bu addımı klubun sahiblərinə etiraz əlaməti olaraq atıblar. Onlardan ən azı birinə meydançaya əşya atdığı üçün 3 illik stadion qadağası tətbiq olunub. İnternetdən sifariş
Klub rəhbərliyi qərarını meydançaya hər hansı əşyanın atılmasına qarşı güzəştə gedilməməsi ilə əsaslandırıb. Bildirilib ki, bu cür hərəkətlər stadion qaydalarına zidd olmaqla yanaşı, futbolçuların və digər şəxslərin təhlükəsizliyi üçün də risk yaradır.
“Mançester Yunayted” bu məsələdə sərt mövqe tutacağını bəyan edib.
Telegram kanalımız