Təhsil naziri Lənkəranın ucqar Jidi dağ kənd məktəbinin müəllimi Leyla Qarazadə ilə görüşüb.
Yenisabah.az Təhsil Nazirliyindən verilən məlumata əsasən xəbər verir ki, martın 2-də Lənkərana səfər edən təhsil naziri Emin Əmrullayev rayonun ucqar Jidi dağ kənd məktəbinə baş çəkib.
Məktəbdə yaradılmış şəraitlə tanış olan Emin Əmrullayev təhsil müəssisəsinin müəllim və şagird kollektivi ilə görüşüb, tədris prosesini izləyib. Nazir həmçinin son dövrdə sosial şəbəkələrdə fərqli ideyaları ilə tanınan, şagirdləri ilə səmimi ünsiyyət yaradaraq onların sevimlisinə çevrilən ucqar dağ kənd məktəbinin müəllimi Leyla Qarazadə ilə də görüşüb, onunla söhbət apararaq fəaliyyətində uğurlar arzulayıb. pizza hut
Leyla Qarazadə də öz növbəsində şagirdləri ilə ünsiyyətindən, onlarla birgə yaratdığı fərqli ideyalardan danışıb və ona göstərilən diqqət üçün təşəkkür edib.
Qeyd edək ki, nazirin məktəblilərlə çəkdirdiyi fotolar sosial şəbəkələrdə maraqla qarşılanıb.
Nəzrin Vahid
Telegram kanalımız
