Niderland Erediviziyasında "Tvente" səfərdə "Ekselsior"un qonağı olub.
"Yeni Sabah" xəbər verir ki, matç qonaq komandanın 9:0 hesablı darmadağınlıq tarixi qələbəsi ilə başa çatıb.
Qarşılaşmanın hələ 5-ci dəqiqəsində "Ekselsior"un futbolçusu Nesto Qrun qırmızı vərəqə alaraq komandasını azlıqda qoyub. Bundan maksimum istifadə edən "Tvente" hesabı açmaqda gecikməyib. Vout Veqhorst 12, 32 və 33-cü dəqiqələrdə ard-arda qollar vuraraq het-trikə imza atıb. 39-cu dəqiqədə Tomas Van Den Belt və ilk hissəyə əlavə olunmuş 45+1-ci dəqiqədə Daan Rots fərqi artırıb - 0:5. Marqarita pizza
İkinci yarıda da hücumlarını davam etdirən qonaqlar 49-cu dəqiqədə Jordi Bauahın qolu ilə hesabı 0:6 ediblər. 62-ci dəqiqədə penaltini dəqiq yerinə yetirən Vout Veqhorst matçda özünün 4-cü qolunu (poker) vurub. Oyunun 71-ci dəqiqəsində Ramiz Zərruki penaltidən fərqlənib, 82-ci dəqiqədə isə Daan Rots özünün ikinci, komandasının isə 9-cu qolunu torla görüşdürüb.
Nazim Hacıyev
Telegram kanalımız
