Ödənişli olması nəzərdə tutulan Bakı-Quba-Rusiya ilə dövlət sərhədi istiqamətində yeni yolun tikintisi davam edir.
Yenisabah.az xəbər verir ki, Avtomobil Yolları Dövlət Agentliyinin sözçüsü Anar Nəcəfli "Xəzər Xəbər"ə bildirib ki, uzunluğu 150 kilometr olan yolda işlər bu ilin sonunda başa çatdırılacaq.
Ödənişli yola yük avtomobilləri məhdudiyyətlə buraxılacaq. Bu məqsədlə yolun giriş və çıxışlarında zəruri infrastruktur yaradılır. pizza mizza
Yoldan istifadə tariflərinin cari ilin sonuna qədər açıqlanacağı gözlənilir.
Ödənişli yola paralel olan Bakı-Quba yolunun təmiri də davam edir. Anar Nəcəflinin sözlərinə görə, köhnə yol Sumqayıtdan başlayaraq Hacı Zeynalabdin Tağıyev qəsəbəsi istiqamətində genişləndirilir. Bu yolda da təmir işlərinin cari ilin sonuna qədər yekunlaşdırılması planlaşdırılır.
Telegram kanalımız
