“Aprelin 15-də səhər Qüdsdəki Məbəd dağında bir qrup təxribatçının Ağlama Divarı yaxınlığında toplaşan yəhudi dindarlarına və İsrail təhlükəsizlik qüvvələrinə daş atmasından sonra iğtişaşlar başlayıb.
Yenisabah.az xəbər verir ki, bu barədə “The Jerusalem Post” məlumat yayıb.
Qırmızı Xaç Cəmiyyətinin məlumatına görə, üç İsrail polisi də daxil olmaqla 150 nəfər yaralanıb. 300-dən çox iğtişaşçı həbs edilib. İsrail təhlükəsizlik qüvvələri hazırda Məbəd dağında vəziyyətə nəzarət edir. pizza
“Aprelin 15-i səhər tezdən müqəddəs Ramazan ayının ikinci cüməsində müsəlmanlar üçün dualarla başlayan iğtişaşlar və qarşıdurmalar təxminən altı saat davam edib.
Təxminən 12 min müsəlman Məbəd dağına toplanıb. Onların arasında 100-ə yaxın aqressiv etirazçı da olub”, - deyə nəşr vurğulayıb.
Qəzet onların bəzilərinin HƏMAS və Fələstin administrasiyasının bayraqları daşıdığını qeyd edib:
“Polis namazın bitəcəyini gözləyirdi. Təhlükəsizlik qüvvələri daha sonra iğtişaşçıları dağdan çıxarmağa çalışsa da, onlar Əl-Aqsa məscidinə doğru yönəliblər. Məhz burada onlar İsrail təhlükəsizlik qüvvələri ilə toqquşmalarda istifadə etdikləri daşları və armaturları hazırlayıblar. Nəticədə polis etirazçıları dağıtmaq üçün gözyaşardıcı qaz, yüngül qumbaraatan və rezin güllələrdən istifadə edib”.
Telegram kanalımız
