Noyabrda bank xidmətlərindən istifadə sahəsində müştəri şikayətləri üzrə "Bank BTB" ASC 5,11 şikayət indeksi ilə ən çox şikayət edilən banklardan biri kimi qırmızı zolaqda qərarlaşıb.
Mərkəzi Bankdan Teleqraf-a verilən məlumata görə, ən çox şikayət edilən ikinci bank isə "YeloBank" ASC olub. Bank 2,88 şikayət indeksi ilə qırmızı zolaqda yer alıb.
Tənzimləyicinin hesabatına görə, siyahının sarı zolağında "AFB Bank" ASC 1,89 şikayət indeksi ilə, "YapıKredi Bank Azərbaycan" QSC isə 1,72 şikayət indeksi ilə yer alıb. pizza hut
Qeyd edək ki, bu ilin doqquz ayında "Bank BTB" ASC-nin zərəri 30% artıb. Maliyyə qurumu yanvar-sentyabr aylarını 641 min manat zərərlə başa vurub.
"Bank BTB"-nin üç əsas səhmdarı var. Əsas payçı Nigar İsmayıl qızı Mehdiyevadır. N. Mehdiyeva bankda 54 829 ədəd adi adlı sənədsiz səhmə malikdir. Bununla da nizamnamə kapitalında 76.7376% paya malikdir. 12 634 ədəd adi adlı sənədsiz səhmə sahib olan Sadiq İsmayıl oğlu Rzanın nizamnamə kapitalında payı 17.6823%, 3 987 ədəd adi adlı sənədsiz səhmə sahib Tükazban Mahmudovanın nizamnamə kapitalında payı 5.5801%-dir.
Telegram kanalımız
