Rusiya hərbçisi Ermənistanda ölü tapıldı
04 İyl 2020 23:38
429

Rusiya hərbçisi Ermənistanda ölü tapıldı

Rusiyanın Cənub Hərbi Dairəsinin komandanlığı Ermənistanın hüquq-mühafizə orqanları ilə birlikdə Gümrüdə rusiyalı hərbi qulluqçusunun həlak olmasından sonra yoxlama aparıb.

Yenisabah.az xəbər verir ki, bu barədə Cənub Hərbi Dairəsinin nümayəndəsi RİA “Novosti”yə bildirib.

Məlumata görə, Rusiya hərbi qulluqçusunun meyitini Gümrüdəki evlərdən birində yerli asayiş keşikçiləri aşkar ediblər.

"Dairənin komandanlığı Ermənistanın hüquq-mühafizə orqanları ilə birlikdə ölüm faktı üzrə təhqiqat aparır", - agentliyə bildirilib.

KİV-in məlumatına görə, ölən şəxs Rusiyanın 20 yaşlı vətəndaşı, bu ölkənin 102 saylı Hərbi Bazasının hərbi qulluqçusudur. Onun meyiti yataq otağında tapılıb, yerdə həmçinin məktub aşkarlanıb.

Bizi Telegram-da oxuyun. Azərbaycanın və dünyanın ən vacib xəbərləri Şahidi olduğunuz hadisələri çəkib bizə göndərin!

Oxşar xəbərlər