YENISABAH.AZ-a icazə verərək ən aktual xəbərləri dərhal öyrənə bilərsiniz.
İlk bilən siz olun!
Daha sonra
İcazə ver
Rusiyadan  qaçış: Gürcüstan sərhədində böyük xaos - Video

Rusiyadan  qaçış: Gürcüstan sərhədində böyük xaos - Video

Dünya

24 Sentyabr 2022 08:13 2326


Rusiyanı tərk etmək istəyənlərdən 2 minə yaxın minik avtomobili Rusiyanın Gürcüstanla sərhədindəki keçid məntəqəsinin qarşısında toplanıb.

Bu barədə Rusiyanın Şimali Osetiya Respublikasının Daxili İşlər Nazirliyinin mətbuat xidmətindən məlumat verilib.

“Şimali Osetiya-Alaniya Respublikası ərazisində Şimali Osetiya-Alaniya Respublikasına gələn və Yuxarı Lars keçid məntəqəsindən keçmək üçün növbə gözləyən 2 000-ə yaxın yüngül avtomobilin xeyli sayda yığılması müşahidə olunur”, - məlumatda bildirilib.

Şimali Qafqaz Gömrük İdarəsinin saytındakı məlumata görə, son üç gündə Rusiyanı tərk etmək istəyənlərin sayı artıb. Sentyabrın 20-də, Moskva vaxtı ilə saat 06:00-da Rusiya tərəfində keçid məntəqəsinin qarşısında maşın növbəsi yaranmayıb. Ümumilikdə bu tarixdə gündə 1 353 avtomobil buraxılıb. Sentyabrın 21-də, Moskva vaxtı ilə saat 06:00-da keçid məntəqəsinin qarşısında artıq 50 avtomobil olub, 1 261 nəqliyyat vasitəsi Rusiyanı tərk edə bilib.

Bildirilib ki, hazırda yük avtomobillərin sayı 1 231 ədəddir. Yük maşınlarının sürücüləri elektron növbəyə uyğun hərəkət edirlər.

Qeyd edək ki, sentyabrın 21-dən sosial şəbəkələrdə avtomobil növbəsinin artması ilə bağlı məlumatlar yayılmağa başlayıb. Hadisə şahidlərinin sözlərinə görə, Rusiyanı tərk etmək istəyənlərin sayı artmaqda davam edir.


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!