Yeni "iPhone" modellərinin təqdim ediləcəyi vaxt məlum oldu

Yeni
Avq 30, 2019 16:41
Oxunma sayı: 76

“Apple” korporasiyası sentyabrın 10-da Stiv Cobs adına teatrda “By innovation only” (“Yalnız yenilik”) şüarı altında tədbir keçirəcək.

“Yeni Sabah” “Yenicag.az”-a istinadən xəbər verir ki, Bakı vaxtı ilə saat 20:00-da başlayacaq tədbiri “Apple.com” saytından canlı izləmək mümkün olacaq. “Apple”ın yenidən 3 smartfon modeli təqdim edəcəyi gözlənilir.

Smartfonlar 12 meqapiksellik selfi kamera (2018-ci ilin modellərində bu göstərici 7 meqapiksel olub), “TSMC”in istehsalı olan təkmilləşdirilmiş “A13” çipi, daha tutumlu batareya, “Lightning” əvəzinə “USB-C” portu, həmçinin ikitərəfli simsiz enerjidoldurma texnologiyası (başqa qurğuları enerji ilə doldura biləcəklər) ilə təchiz ediləcək.

Qeyd edək ki, tədbirdə təqdim ediləcək yeniliklər haqda məlumat verilməyib, ancaq adətən “Apple” məhz sentyabrın əvvəlində yeni smartfon və başqa yeniliklərini təqdim edir.

Yenisabah.az