ABŞ-ın Rusiyaya qarşı tətbiq etdiyi sanksiyalar, Cənubi Asiya da daxil olmaqla, yoxsul ölkələr üçün maliyyə və siyasi problemlər yaradır.
Yenisabah.az xəbər verir ki, bu barədə “Hong Kong South China Morning Post” qəzeti yazıb.
Məqalənin müəllifi Anand Kumar qeyd edir ki, anti-Rusiya sanksiyaları birmənalı reaksiyaya səbəb olub və BMT, Çin və bir çox başqa ölkələr tərəfindən təsdiqlənməyib: pizza mizza
“Nəticədə sanksiyalar, əsasən, ABŞ və onun müttəfiqləri tərəfindən tətbiq edilib, digər dövlətlərin isə bu məhdudiyyətləri tətbiq edəcəyi və ya onların özləri də sanksiyalara məruz qalacağı gözlənilir”, - deyə müəllif qeyd edib.
Daha sonra o yazıb: “Rusiyaya qarşı sanksiyalar ikiağızlı qılınc ola bilər. Onlar Moskvaya iqtisadi ziyan vurmaq üçün nəzərdə tutulsa da, Rusiyanın neft və qazından çox asılı olan Avropa ölkələrinə, o cümlədən ABŞ-ın müttəfiqlərinə də təsir edir. Bu sanksiyalar dünyanın digər ölkələrində, xüsusən də Cənubi Asiyada təsdiqlənmir. Bəzi region ölkələri sanksiyalara qarşı çıxır, çünki bu, sonda onların yaşaması üçün təhlükə yarada bilər”.
Müəllifin fikrincə, anti-Rusiya sanksiyaları fonunda ərzaq və yanacağın qiymətinin artması ilə kəskinləşən Şri-Lankadakı iqtisadi böhran “bütün Cənubi Asiya regionunda təşviş yaradıb”.
Jurnalist qeyd edir ki, Pakistan da iqtisadiyyatın bacarıqsız idarə edilməsinin nəticələri ilə mübarizə aparan və getdikcə daha çox kredit götürən böhrana doğru sürüklənir. Nepal və Banqladeş iqtisadiyyatları da çətinliklər yaşayır:
“Hindistan da bundan istisna deyil. İqtisadiyyatın rəvan işləməsi üçün Yeni Dehli karbohidrogenləri idxal etməlidir və Hindistan neftin qiymətinin dəyişməsinə həssasdır. Nəticədə ölkə Rusiyadan enerji daşıyıcılarının idxalını artırıb, çünki bir çox rayonlarda elektrik enerjisi qıtlığı yaranıb. Yeni Dehli silah baxımından da Moskvadan çox asılıdır. Hindistan Rusiyaya qarşı sanksiyalarla bağlı Qərbi kor-koranə izləyə bilməz, xüsusən də onun rəqibi Çin həmin sanksiyalara məhəl qoymur”.
Telegram kanalımız
