Müğənni Ayan Babakişiyeva sosial şəbəkələrdə son günlər geniş yayılan 80-ci illər fotoları trendinə münasibət bildirib.
"Yeni Sabah" xəbər verir ki, sənətçi paylaşımında keçmişə qayıdış hissindən, illərin necə sürətlə keçməsindən və qızı Selena ilə bağlı arzularından söz açıb.
Ayan Babakişiyeva süni intellekt vasitəsilə hazırlanan nostalji görüntülərin onda fərqli hisslər yaratdığını qeyd edib. O, xüsusilə qızının gələcəyini düşündüyünü və illər sonra onun uğurlarını görmək istədiyini vurğulayıb. pizza sifarişi
Müğənninin paylaşımı belə olub:
“Nostalji hisslər insanı uzaq keçmişə götürdüyü zaman düşünürsən ki, nə olur-olsun, ən doğman yanında olsun. Kiminin sevdiyi, kiminin övladı, kiminin valideyni... Bu gün isə baxıram ki, süni intellekt o qədər bizi keçir ki, onun sürətinə çata bilmirik. Bir şeyi anladım: ən son şəkildə Selenanı 20 yaşında görmək məni çox kövrəltdi. Həm fəxr edirəm, həm də gələcəkdə belə illər sonra onun özünü tam təsdiq etdiyini, öz ayaqları üstündə durduğunu görüb fəxr edərək “Bu mənim qızımdır” demək istəyirəm”.
Telegram kanalımız
