Azərbaycanda fəaliyyət göstərən bir neçə İnformasiya Texnologiyaları (İT) şirkəti Ümumdünya Səhiyyə Təşkilatının (ÜST) #evdəqal həştəqi ilə başlatdığı kampaniyaya dəstək nümayiş etdirib.
Yenisabah.az bildirir ki, dəstək mətnində deyilir:
''Azərbaycanda fəaliyyət göstərən İnformasiya Texnologiyaları (İT) şirkətləri olaraq Ümumdünya Səhiyyə sahəsində yaranan fövqəladə vəziyyət, o cümlədən Azərbaycanda da yayılan pandemiya, ölkədə online xidmətlərin daha da güclənməsinə zərurət yaratmaqdadır. Biz Azərbaycanda fəaliyyət göstərən İT şirkətləri olaraq öz milli məsuliyyətimizi dərk edir və ehtiyac zərurəti duyulan bütün istiqamətlərdə ölkəmizə təmannasız xidmət etməyə hazırıq.
Əminəm ki, ölkəmiz bu sınaqdan üzü ağ və ən az zərərlə çıxacaqdır. Əziz həmvətənlərim, “EvdəQal” tövsiyəsinə əməl edək. Dünya növbəti ciddi bir sağlamlıq sınağından keçməkdədir. Bu vəziyyət bütün ölkələr üçün həyatda qal mübarizəsidir. Bildiyiniz kimi, bir çox ölkədə vəziyyət çox ciddi, çox ağırdır. Ölkə Rəhbərliyinin uzaqgörənliyi sayəsində Azərbaycan bu pandemiyaya ilk reaksiya verən və özünü izolasiya edən ölkələrdən olmuşdur və xəstəlik ölkəmizə güclü nüfuz edə bilməmişdir. Hal-hazırda yaranmış xüsusi karantin rejimi insanların kütləviləşməsini və sosial fəaliyyətlərini məhdudlaşdırmışdır. Səbrli olaq, mümkün qədər işlərimizi online formada və mobil sistemlərlə həll etməyə çalışaq. Hər birinizə sağlam həyat, ruh dincliyi və qəlb rahatlığı arzu edirik.''
Hörmətlə: Elvin ABBASOV
Qeyd edək ki, kompaniyaya aşağıdakı İT şirkətləri qoşulub:
TimeSoft – Elvin Abbasov
Ultra Technologies – Abdul Qurbanov
GT Solutions – Elxan Həsənov
Virtual Azərbaycan Qrup of Kompani – Esmira Həsənbəyova
ITech Group – İlqar Əzizov
Smart Systems Technology – Firidun Əkbərov
TRONIQ – Anar Nəbiyev
Azlocation MMC – Namiq Əliyev
Datum MMC – Anar Ismayılov
Maxtexno – İlqar Cəfərov
FROMAE – Fəxri Ələkbərov
İNTEGRİS - Ceyhun Zeynalov
Telegram kanalımız
