Milli Məclisin bugünkü plenar iclasında “Texniki tənzimləmə haqqında” qanuna dəyişiklik layihəsi müzakirə olunaraq sonuncu — üçüncü oxunuşda qəbul edilib.
"Yeni Sabah" xəbər verir ki, qanunvericiliyə edilən yeni dəyişiklik Azərbaycanda təhlükəli mallara münasibətdə tətbiq olunacaq tədbirlərin dairəsinin və həmin prosedurların həyata keçirilməsi qaydalarının səlahiyyətli qurum tərəfindən müəyyənləşdirilməsini nəzərdə tutur.
Sənədə əsasən, “Texniki tənzimləmə haqqında” qanunun 15-ci maddəsinə yeni 15.5-ci altmaddə əlavə olunub. Bu dəyişiklik insanların həyatı və sağlamlığı üçün təhlükə törədən, eyni zamanda texniki tənzimləmənin şamil edildiyi mallar barəsində görüləcək tədbirlərin hüquqi əsaslarını dəqiqləşdirir. Toyuqlu pizza
Yeni normativ çərçivəyə uyğun olaraq, insan sağlamlığına risk yaradan belə malların bazardan geri çağırılması, dövriyyədən çıxarılması, müsadirə edilərək götürülməsi, daşınması, saxlanması, zərərsizləşdirilməsi və ya tam məhv edilməsi kimi tədbirlər tətbiq ediləcək. Sadalanan bütün addımlar müvafiq icra hakimiyyəti orqanının müəyyən etdiyi qurum tərəfindən təsdiqlənmiş qaydalara uyğun həyata keçiriləcək. Yeni tənzimləmənin ana məqsədi təhlükəli məhsulların daxili bazarda qalmasının və insanların həyatına, habelə sağlamlığına vurula biləcək zərərlərin vaxtında qarşısını almaqdır.
Qanun layihəsi parlamentdəki müzakirələrdən sonra səsverməyə çıxarılaraq üçüncü oxunuşda təsdiqlənib.
Nazim Hacıyev
Telegram kanalımız
