Azərbaycanın strateji valyuta ehtiyatları 2026-cı ildə 90 milyard dolları ötüb.
“Yeni Sabah” xəbər verir ki, bunu deputat Vüqar Bayramov bildirib. O qeyd edib ki, 2025-ci ilin sonunda Azərbaycanın strateji valyuta ehtiyatları 85,1 milyard dollar olduğu halda, 2026-cı ildə bu göstərici 90 milyard dollardan çox olub.
Deputatın sözlərinə görə, Azərbaycan strateji valyuta ehtiyatları ÜDM-dən çox olan azsaylı dövlətlər sırasındadır. Valyuta ehtiyatları ölkənin illik ÜDM-ni 12 faiz üstələyir və bu göstəriciyə görə Azərbaycan dünyada ilk onluqda yer alır. Marqarita pizza
Vüqar Bayramov hazırda Dövlət Neft Fondunun 73 milyard dollar aktivinin olduğunu, Mərkəzi Bankın ehtiyatlarının isə 2025-ci ilin sonunda 11,5 milyard dollardan 2026-cı ildə 15,3 milyard dollaradək yüksəldiyini bildirib.
Onun sözlərinə görə, valyuta ehtiyatlarının artması ölkə iqtisadiyyatında möhkəm təhlükəsizlik yastığının formalaşdığını göstərir.
Aytac Əliyeva
Telegram kanalımız
