Fransa Baş naziri Elizabet Bornun reytinqi prezident Emmanuel Makronun reytinqini üstələyib.
Yenisabah.az xəbər verir ki, bu barədə “Journal du Dimanche” məlumat yayıb.
Aylıq sorğuların məlumatlarına görə, Makronun avqust ayında bəyənilmə reytinqi yüzdə 37% olub. Fransızların 63%-i onun fəaliyyətini bəyənmir, respondentlərin 75%-i isə onun təhlükəsizlik siyasətindən narazıdır. Bu arada Fransanın Baş naziri Elizabet Bornun reytinqi 41% olub. pizza
Qeyd edək ki, gənclər, kiçik biznes nümayəndələri, eləcə də sağ mərkəzçi “Respublikaçılar” partiyasının üzvləri Borna müsbət münasibət bəsləyirlər.
Xatırladaq ki, koronavirus pandemiyasının başlanğıcından bəri ilk dəfə olaraq Fransa əhalisinin bütün təbəqələri arasında prezidentin reytinqi bu qədər aşağı olub. Makron hətta 65 və daha yuxarı yaş qrupunu, böyük biznesi və “İrəli Respublika” partiyasının tərəfdarlarını təmsil edən əsas elektorat arasında da nüfuzunu itirməkdə davam edir.
Telegram kanalımız
