Hakim “Gürcü arzusu” partiyasının sədri İrakli Kobaxidze ABŞ-ın Gürcüstandakı səfiri Kelli Deqnanı ikili standartlarda ittiham edib.
Yenisabah.az “İmedi”yə istinadla xəbər verir ki, Deqnan daha əvvəl BBC-nin təhqiqatından sonra daha çox məlumat və hüquqi proses tələb olunduğunu demişdi.
Onun fikrincə, Gürcüstanın keçmiş müdafiə naziri David Kezeraşvilinin Aİ-də təqaüdçülərin pullarını mənimsəmə üzrə beynəlxalq saxtakarlıq sxeminin arxasında dayanır. Marqarita pizza
“Kezeraşvili ittihamları rədd edir və buna görə də istintaqı sona çatdırılmalıdır. Yəni bir halda qərəzli gürcü mediasına baxa, nəticə çıxara və hakimlərə qarşı sanksiyalar tətbiq edə bilərsiniz. Bu kifayətdir. Digər halda isə bu kifayət deyil”, - deyə Kobaxidze qeyd edib.
Hakim partiya sədri bildirib ki, Gürcüstan qanunvericiliyinə görə, təkzibolunmaz sübutlar olmadan hakimə qarşı inzibati işin başlanması və hətta ona xəbərdarlıq edilməsi mümkün deyil.
Kobaxidze bir qədər əvvəl bildirib ki, ABŞ heç bir sübut olmadan Gürcüstanın məhkəmə sisteminə qarşı ciddi ittihamlar irəli sürüb. Onun fikrincə, bu qərarda “siyasi maraq” var.
ABŞ-ın Gürcüstandakı səfiri Kelli Deqnan ölkə hakimiyyətini viza sanksiyalarına məruz qalan hakimləri müdafiə etdiyinə görə tənqid edib. O, ABŞ-ın məhdudiyyətlərin tətbiqi üçün əsasların olduğuna tamamilə əmin olduğunu təkrarladı.
ABŞ dövlət katibi Entoni Blinken aprelin 5-də Vaşinqtonun Gürcüstan Ali Ədliyyə Şurasının dörd üzvünə qarşı sanksiyalar tətbiq etdiyini və onları “əhəmiyyətli korrupsiyada” ittiham etdiyini bildirib.
Telegram kanalımız
