"Mançester Yunayted" klubunun 2005–2008-ci illər arasında keçdiyi unikal inkişaf yolunu və daxili arenadan dünya futbolunun zirvəsinə qədər ucalmasını təfərrüatı ilə əks etdirən rəsmi "Dünya Kralları" kitabı oxuculara təqdim olunur.
“Yeni Sabah” xəbər verir ki, cümə axşamı rəsmi satışı başlayan bu əsər əfsanəvi baş məşqçi ser Aleks Ferqyusonun klub tarixinin ən parlaq komandalarından birini necə sıfırdan inşa etdiyini incəliklərinədək açb göstərir.
Nəşr 2005-ci ilin sonundakı gərgin situasiyanı, yəni kapitan Roy Kinin komandadan ayrılması, Pol Skoulzun ciddi göz zədəsi alması və "Mançester Yunayted"in Joze Mourinyonun "Çelsi"sindən geridə qaldığı bir vaxtda Ferqyusonun hazırladığı inqilabi yenidənqurma planını əhatə edir. Kitabda Ueyn Runi və Kristianu Ronaldu kimi gənc istedadların məhz bu illərdə necə dünya səviyyəli ikonlara çevrildiyi, eləcə də onların təcrübəli heyətlə sintezi pərdəarxası məqamlarla verilir. Dominos pizza
Araşdırma "Yunayted"in dalbadal İngiltərə Premyer Liqası çempionluqları, 2008-ci il UEFA Çempionlar Liqası zəfəri və FİFA Klublararası Dünya Çempionatındakı mütləq qalibiyyəti ilə yekunlaşan dominantlıq erasını təhlil edir. Klubun uzunillik matç salnaməçiləri Stiv Bartram və Co Qanlinin müəllifi olduğu bu əsər idman idarəçiliyi və futbol tarixi ilə maraqlananlar üçün mühüm tarixi mənbə mahiyyəti daşıyır.
Nazim Hacıyev
Telegram kanalımız
