Rusiya və İran arasında hərtərəfli strateji tərəfdaşlıq haqqında saziş müdafiə və təhlükəsizlik sahələrini də əhatə edəcək.
Yenisabah.az Təsnim-ə istinadla xəbər verir ki, bu barədə İslam Respublikası XİN-in rəsmi nümayəndəsi İsmail Bəqai danışıb.
“İran və Rusiya arasında əməkdaşlıq sazişinin müxtəlif aspektləri var. Onun mühüm hissəsini ticarət-iqtisadiyyat, enerji, eləcə də müdafiə və təhlükəsizlik məsələləri təşkil edir. Bu saziş 2001-ci ildə mövcud olan Moskva və Tehran arasında münasibətlər və əməkdaşlıq prinsipləri əsasında sazişi yeniləyəcək və tamamlayacaq”, - diplomat həftəlik brifinqdə bildirib. Pepperoni pizza
Sözçünün qeyd etdiyi kimi, “son 20-30 il ərzində İran və Rusiya əməkdaşlığın miqyasını əhəmiyyətli dərəcədə genişləndiriblər, ona görə də sənədin yenilənməsinə ehtiyac var idi”.
Bundan əvvəl İslam Respublikasının Rusiya Federasiyasındakı səfiri Kazem Cəlali Rusiya-İran sazişinin 2025-ci il yanvarın 17-də Moskvada iki ölkə prezidentləri arasında danışıqlar zamanı imzalanacağını bildirmişdi.
Telegram kanalımız
