Yunanıstanda təxminən 100 min ehtiyat hərbçinin telefonuna və elektron poçt ünvanına “xüsusi çağırış sənədi”nin hazırlandığı barədə bildiriş göndərilməsi ölkədə qısa müddətli səfərbərlik təşvişinə səbəb olub. Yunanıstanın hərbi qurumları isə bunun səfərbərlik çağırışı olmadığını və rutin məlumat yenilənməsi çərçivəsində həyata keçirildiyini açıqlayıb.
"Yeni Sabah" xəbər verir ki, Türkiyə-Yunanıstan xəttində gərginliyin artdığı bir vaxtda təxminən 100 min ehtiyat hərbçiyə eyni dövrdə “xüsusi çağırış sənədi” ilə bağlı mesaj göndərilib.
Mesajların çox sayda şəxsə eyni vaxtda çatması ölkədə səfərbərlik hazırlığı ilə bağlı iddiaların yayılmasına səbəb olub. Toyuqlu pizza
Yunanıstan Baş Qərargahının açıqlamasında sənədlərin ehtiyat hərbçilərin ünvan, yaş, ixtisas və digər hərbi məlumatlarının yenilənməsi məqsədilə hazırlandığı bildirilib.
Rəsmi açıqlamaya görə, sənədlərin göndərilməsi həmin şəxslərin dərhal hərbi hissələrə çağırılacağı və ya ölkədə səfərbərlik elan edildiyi anlamına gəlmir.
Mesajların göndərilməsi Yunanıstanın “Gündəm 2030” çərçivəsində həyata keçirdiyi ehtiyat hərbçi islahatları ilə də əlaqələndirilir.
Afina 2030-cu ilə qədər 150 min aktiv ehtiyat hərbçidən ibarət daha təşkilatlanmış struktur yaratmağı hədəfləyir.
Son günlər Yunanıstanın müdafiə sistemində ehtiyat qüvvələrin rolunun artırılması ilə bağlı yeni planlar da açıqlanıb. Ölkə “Vətəndaş-Əsgər” modeli çərçivəsində ehtiyat hərbçiləri və mülki mütəxəssisləri müdafiə sisteminə daha geniş şəkildə inteqrasiya etməyi planlaşdırır.
Bildirişlərin göndərilməsi Yunanıstanın hərbi hazırlıqlarını və ehtiyat qüvvələrlə bağlı planlarını gücləndirdiyi bir dövrə təsadüf edib.
Bununla belə, Yunanıstanın rəsmi qurumları 100 min nəfərə göndərilən bildirişlərin yeni səfərbərlik elan edilməsi anlamına gəlmədiyini xüsusi olaraq vurğulayıb./Musavat.com
Telegram kanalımız
