Türkiyənin Afyonkarahisar vilayətinin İhsaniye rayonunda bir neçə kənddə törədilən silahlı hücumlar nəticəsində səkkiz nəfər həlak olub.
"Yeni Sabah" xəbər verir ki, bu barədə "Yeni Şafak" qəzeti məlumat yayıb.
Hadisələr axşam saatlarında Yukarıtandır, Ayazini və Kıyır kəndlərində baş verib. pizza
İlkin məlumata əsasən, qırmızı rəngli avtomobililə hərəkət edən silahlı şəxs Yukarıtandır kəndində yol kənarında olan üç qadına tüfənglə atəş açaraq onları öldürüb. Qadınların müəllim olduğuna dair iddialar var.
Daha sonra Ayazini kəndinə gedən silahlı şəxs avtomobildə olan üç nəfəri güllələyərək hadisə yerindən qaçıb. O, daha sonra Kıyır kəndində isə başqa bir avtomobildəki iki nəfəri öldürüb.
Bildirilir ki, həlak olanlardan altısı hadisə yerində, ikisi isə xəstəxanaya aparıldıqdan sonra dünyasını dəyişib.
Telegram kanalımız
