İşğaldan azad edilmiş ərazilərdə mina partlayışları nəticəsində insan tələfatı və xəsarətlərlə nəticələnən hadisələr davam edir.
“Yeni Sabah” xəbər verir ki, Baş Prokurorluğun məlumatına əsasən, Vətən müharibəsi başa çatdıqdan, yəni 10 noyabr 2020-ci ildən etibarən Ermənistan tərəfindən işğaldan azad edilmiş ərazilərin minalarla çirkləndirilməsi nəticəsində 436 nəfər zərər çəkib.
Onlardan 73 nəfər həlak olub, 363 nəfər isə müxtəlif dərəcəli xəsarətlər alıb. pizza sifarişi
Qeyd olunub ki, prokurorluq orqanları mina hadisələri ilə bağlı hər bir fakt üzrə araşdırma aparır, partlayışların səbəb və şəraitini müəyyənləşdirir.
Baş Prokurorluq vətəndaşları və işğaldan azad edilmiş ərazilərə səfər edən şəxsləri yalnız müəyyən edilmiş təhlükəsiz marşrutlardan istifadə etməyə, xəbərdarlıq nişanlarına və aidiyyəti dövlət qurumlarının tövsiyələrinə ciddi əməl etməyə çağırıb.
Aytac Əliyeva
Telegram kanalımız
