İsrail Qəzza sərhədindən uçurulan çərpələng və şarlara görə yeni tədbirlər görəcəyi ilə bağlı xəbərdarlıq edib.
“Yeni Sabah” xəbər verir ki, İsrailin müdafiə naziri İsrael Katz çərpələnglərin üzərində partlayıcı maddə olub-olmamasından asılı olmayaraq, pilotsuz uçuş aparatı kimi qiymətləndiriləcəyini bildirib.
Nazir “sıfır tolerantlıq” siyasəti tətbiq ediləcəyini və buna qarşı sərt tədbirlər görüləcəyini açıqlayıb. Marqarita pizza
İsrail mediası Qəzza sərhədinə yaxın Nahal Oz yaşayış məntəqəsində bir neçə çərpələngin aşkarlandığını yazıb. İsrail ordusu onların təhlükə yaratmadığını və üzərində şübhəli material olmadığını bildirsə də, hərbçilər onların HƏMAS tərəfindən İsrailin reaksiyasını yoxlamaq məqsədilə göndərilə biləcəyini iddia ediblər.
HƏMAS bütün ittihamları rədd edib.
Qeyd edək ki, müharibədən əvvəl Qəzzadan İsrail ərazisinə yandırıcı maddələr daşıyan çərpələng və şarlar göndərilmiş, nəticədə bir sıra yanğınlar baş vermişdi.
Aydan Hacı
Telegram kanalımız
