Bəzi insanlar əsəbiləşəndə susur, bəziləri isə bir anda bütün hisslərini üzə çıxarır. Elələri də var ki, sakit görünsə də, daxilində yığılan qəzəbi uzun müddət unutmur. Astroloji yanaşmaya görə, bəzi bürclər emosiyalarını idarə etməkdə digərlərinə nisbətən daha çox çətinlik çəkir.
“Yeni Sabah” xəbər verir ki, astrologiyada xüsusilə tez alovlanan, incikliyini uzun müddət saxlayan və əsəbiləşdikdə sərt reaksiya verən 6 bürc fərqləndirilir.
Qoç pizza
Qoç bürcünü əsəbiləşdirmək üçün bəzən çox şeyə ehtiyac olmur. Səbirsizlik və impulsivlik onun əsas xüsusiyyətlərindən sayılır. Haqsızlıq gördükdə susmaq əvəzinə dərhal etiraz edə bilər. Qəzəbi qəfil yaransa da, uzun müddət davam etməyə bilər. Lakin həmin an verdiyi sərt reaksiyanı ətrafındakılar asanlıqla unutmur.
Əqrəb
Əqrəbin qəzəbi ilk baxışda hiss olunmaya bilər. O, narazılığını dərhal büruzə verməkdənsə, yaşadığı hadisəni uzun müddət yadda saxlayır. Xüsusilə etibarının sarsılması və xəyanət onun üçün ağır qəbul edilir. Buna görə də sakit görünməsi heç də hər şeyi bağışladığı anlamına gəlmir.
Şir
Şir üçün hörmət və diqqət mühüm yer tutur. Özünü dəyərsiz hiss etməsi və ya insanların qarşısında alçaldılması onun ən həssas nöqtələrindən biri hesab olunur. Belə vəziyyətlərdə sakit qalmaq əvəzinə emosional və sərt reaksiya göstərə bilər. Xüsusilə qüruruna toxunulduqda geri addım atması çətinləşir.
Oğlaq
Oğlaq digər bəzi bürclər kimi qəzəbini dərhal nümayiş etdirmir. Əksinə, uzun müddət səbir göstərməyə çalışır. Ancaq problemlər ard-arda yığıldıqda onun da dözüm həddi tükənə bilər. Bu zaman emosional partlayışdan daha çox soyuq, sərt və məsafəli münasibət ortaya çıxır.
Əkizlər
Əkizlərin əsas silahı fiziki reaksiya deyil, sözləridir. Əsəbiləşdikdə qarşı tərəfin zəif nöqtəsini tez müəyyənləşdirib sözlərlə sərt cavab verə bilər. Bəzən həmin anda dediklərini sonradan peşmanlıqla xatırlasa da, söylənilən sözlərin yaratdığı təsiri geri qaytarmaq olmur.
Xərçəng
Xərçəng bürcü emosiyalarını dərin yaşayanlardan hesab olunur. Xüsusilə yaxın bildiyi insanların sözləri və davranışları ona daha güclü təsir edə bilər. Əvvəlcə incikliyini gizlətməyə çalışsa da, hisslər uzun müddət toplandıqda ağlamaq, səsini yüksəltmək və ya kəskin şəkildə uzaqlaşmaq kimi reaksiyalar göstərə bilər.
Əsmətxanım Rzazadə
Telegram kanalımız
