Mətbəxdə demək olar ki, hər yeməkdə istifadə olunan soğan yalnız yeməklərə dad və ətir verməsi ilə seçilmir. Tərkibindəki müxtəlif qida maddələri və bitki mənşəli birləşmələr onun sağlamlıq baxımından da maraqlı xüsusiyyətlərə malik olduğunu göstərir.
“Yeni Sabah” xəbər verir ki, soğanın tərkibində antioksidant və iltihabəleyhinə xüsusiyyətləri ilə tanınan kversetin adlı bitki birləşməsi var. Bu maddənin hüceyrələri oksidləşdirici zədələnmədən qorumağa və ürək-damar sisteminin fəaliyyətini dəstəkləməyə kömək edə biləcəyi bildirilir.
Soğanın tərkibindəki kükürdlə zəngin birləşmələrin də xolesterin və arterial təzyiqin nəzarətdə saxlanmasına müəyyən töhfə verə biləcəyi qeyd olunur. Pepperoni pizza
Bəzi araşdırmalar isə soğanda olan kversetin və digər bitki mənşəli maddələrin qlükoza mübadiləsi və insulinə həssaslıqla əlaqəli ola biləcəyini göstərir.
Bununla yanaşı, soğan aşağı kalorili tərəvəzlərdən biridir və tərkibində lif, vitamin və minerallar da var. Böyük ölçülü bir soğanda təxminən 2-2,5 qram lif ola bilər. Lif həzm sisteminin normal fəaliyyətinə kömək edir və gündəlik qidalanmanın vacib komponentlərindən hesab olunur.
Orta ölçülü bir soğan gündəlik C vitamini və B6 vitamini ehtiyacının təxminən 10 faizini, kalium ehtiyacının isə 5 faizini təmin edə bilər.
Beləliklə, gündəlik qidalanmada tez-tez istifadə etdiyimiz soğan təkcə yeməklərin dadını artıran məhsul deyil, həm də müxtəlif faydalı bitki birləşmələri ilə zəngin qida mənbəyidir.
Aydan Hacı
Telegram kanalımız
