Noyabrın 3-də Bakıda baş verən yol-nəqliyyat hadisəsi sürücülərin yuxulu halda sükan arxasına keçməsinin nə qədər təhlükəli olduğunu bir daha gündəmə gətirib. Belə ki, avtomobil idarə edərkən yuxuya gedən sürücü körpəsini uşaq arabasında aparan qadını vurub.
“Yeni Sabah” xəbər verir ki, hadisə saat 09:38 radələrində Xocasən-Lökbatan yolunun Binəqədi rayonu ərazisindən keçən 2-ci kilometrində qeydə alınıb. Cavid Ağayevin idarə etdiyi “Toyota” markalı avtomobil piyada A. Abdullayevəni vurub.
Qəza nəticəsində qadın xəsarət alıb. Körpənin vəziyyətinin normal olduğu bildirilir. Hadisədən sonra sürücü saxlanılıb və faktla bağlı cinayət işi başlanılıb. Pepperoni pizza
İlkin araşdırma zamanı C. Ağayev sükan arxasında yuxuya getdiyini, hadisənin necə baş verdiyini xatırlamadığını bildirib. O, həmçinin əvvəllər də avtomobil idarə edərkən dəfələrlə yuxuya getdiyini etiraf edib.
Aytac Əliyeva
Telegram kanalımız
