Sol qolun keyiməsi, qarıncalanması, batma hissi və ya hissiyatın azalması müxtəlif səbəblərdən yarana bilər. Bəzən bu hal uzun müddət eyni vəziyyətdə qalmaq və ya qolun üzərində yatmaqla bağlı olur. Lakin boyun problemləri, sinir sıxılması və qan dövranı pozğunluğu da bu əlamətə səbəb ola bilər.
"Yeni Sabah" xəbər verir ki, sol qolun keyiməsinin səbəbləri arasında uzun müddət eyni vəziyyətdə qalmaq, boyun yırtığı və sinir sıxılması, karpal tunel və dirsək sinirinin sıxılması, boyun və çiyin nahiyəsində əzələ-skelet problemləri, qan dövranı pozğunluqları, diabet və B12 vitamini çatışmazlığı yer alır.
Keyimənin səbəbini müəyyənləşdirmək üçün onun nə vaxt başladığı, nə qədər davam etdiyi və hansı nahiyələrə yayıldığı qiymətləndirilir. Həmçinin simptomların boyun və ya qol hərəkətləri ilə dəyişib-dəyişmədiyi nəzərə alınır. Zərurət olduqda MRT, EMQ, damar müayinələri və ürək-damar sisteminə aid digər müayinələr aparıla bilər. Lakin bəzi hallarda sol qolun qəfil keyiməsi təcili tibbi qiymətləndirmə tələb edə bilər. Xüsusilə sinədə ağrı, təzyiq və ya sıxılma, nəfəs darlığı, soyuq tər və ürəkbulanma kimi əlamətlər də müşahidə olunarsa, təcili tibbi yardım çağırılmalıdır. Toyuqlu pizza
Bundan başqa, qəfil başlayan birtərəfli gücsüzlük və ya keyimə, üzün bir tərəfində əyrilik, danışıq pozğunluğu, qəfil görmə dəyişiklikləri və tarazlığın itirilməsi də ciddi əlamətlər hesab olunur. Hər sol qol keyiməsi infarkt və ya insult anlamına gəlmir. Ancaq qəfil başlayan və digər təhlükəli əlamətlərlə müşayiət olunan keyiməyə laqeyd yanaşmaq olmaz.
Sol qolun keyiməsinin səbəbi və müalicəsi simptomların xüsusiyyətləri, müayinə nəticələri və şəxsin ümumi sağlamlıq vəziyyətinə uyğun olaraq həkim tərəfindən müəyyən edilməlidir.
Aytac Əliyeva
Telegram kanalımız
