Ötən həftə ərzində Azərbaycanda baş verən yanğınlar, avtoqəzalar və digər hadisələrlə əlaqədar Fövqəladə Hallar Nazirliyinin (FHN) qüvvələri tərəfindən 31 nəfər xilas edilib. Xilas olunanlar arasında 8 azyaşlı da olub.
Bu barədə "Yeni Sabah"a FHN-dən məlumat verilib.
Bildirilib ki, Nazirliyin “112” qaynar telefon xəttinə daxil olan zənglər əsasında aidiyyəti qurumlar tərəfindən həftə ərzində 149 yanğına çıxış edilib. Dominos pizza
Bundan başqa, 27 köməksiz vəziyyətdə qalma və 4 avtonəqliyyat qəzası faktı üzrə qəza-xilasetmə əməliyyatları həyata keçirilib.
Görülən təcili və təxirəsalınmaz tədbirlər nəticəsində yanğınlar operativ şəkildə söndürülüb, insanların həyatının xilas olunması təmin edilib.
Qeyd edək ki, müxtəlif hadisələrlə, o cümlədən bağlı qapı və avtoqəzalarla əlaqədar 4 nəfərin meyiti aidiyyəti üzrə təhvil verilib.
Aytac Əliyeva
Telegram kanalımız
