Süfrələrdən əskik olmayan soğan təkcə yeməklərə dad vermir. Onun tərkibində orqanizm üçün faydalı olan bir sıra qida maddələri və bitki birləşmələri də var.
“Yeni Sabah” xəbər verir ki, soğan tərkibindəki antioksidantlarla yanaşı, ürək-damar sağlamlığı üçün də faydalara malikdir. Soğanın tərkibində kversetin adlı antioksidant və iltihabəleyhinə xüsusiyyətlərə malik birləşmə var. Bu maddənin hüceyrələri oksidləşdirici zədələnmədən qorumağa və ürək-damar sisteminin fəaliyyətini dəstəkləməyə kömək etdiyi bildirilir.
Soğanda olan kükürdlə zəngin birləşmələrin də xolesterinin və qan təzyiqinin nəzarətdə saxlanmasına müəyyən töhfə verə biləcəyi qeyd olunur. pizza
Bəzi araşdırmalarda isə soğanın tərkibindəki kversetin və digər bitki mənşəli maddələrin qlükoza mübadiləsinə və insulinə həssaslığa təsir göstərə biləcəyi göstərilib. Soğan həmçinin aşağı kalorili olmasına baxmayaraq, müxtəlif qida maddələri ilə zəngindir. Böyük ölçülü bir soğanda təxminən 2-2,5 qram lif olur.
Lif həzm sisteminin normal fəaliyyətinə kömək edir və gündəlik qidalanmanın daha balanslı olmasına dəstək verir. Orta ölçülü bir soğan gündəlik C vitamini və B6 vitamini ehtiyacının təxminən 10 faizini, kalium ehtiyacının isə təxminən 5 faizini təmin edir. Bu səbəbdən soğan yalnız yeməklərə dad verən məhsul deyil, gündəlik qidalanmada müəyyən faydalı qida maddələri ilə təmin edən tərəvəzlərdən biridir.
Əsmətxanım Rzazadə
Telegram kanalımız
