ABŞ Müdafiə Nazirliyinin (Pentagon) ABŞ Mərkəzi Komandanlığına (CENTCOM) İranla bağlı genişmiqyaslı döyüş hazırlıqlarına başlamaq göstərişi verdiyi iddia edilir. Amerikalı mənbələrin bildirdiyinə görə, Prezident Donald Trump hücum əmrini aralıq seçkilərindən və İsrail seçkilərindən əvvəl verə bilər. Trampla İsrailin Baş naziri Benyamin arasında son həftələrdə ardıcıl keçirilən görüşlərdə İran ilə müharibə ehtimalının müzakirə olunduğu qeyd edilib.
“Yeni Sabah” “Hürriyət”ə istinadən xəbər verir ki, İran ilə ABŞ arasında müharibənin yenidən başlayacağı iddiaları gündəmə gəlib. ABŞ Prezidenti Donald Trampın ölkədəki aralıq seçkilərindən əvvəl İrana hücum etməyi nəzərdən keçirdiyi bildirilir. ABŞ mətbuatı ordunun İranla ola biləcək savaşa hazırlaşmağa başladığını yazıb.
Amerikalı rəsmilər Pentagonun bir neçə gün əvvəl CENTCOM-a İran ərazisində genişmiqyaslı hərbi əməliyyatlara yenidən başlamaq üçün hazırlıqları tamamlamaq göstərişi verdiyini bildiriblər. Əmrin hücumların başlanması üçün xüsusi bir tarix ehtiva etmədiyi və Trampın hələ ki yekun qərar vermədiyi diqqətə çatdırılıb. Dominos pizza
“TRAMP BÜTÜN SEÇİMLƏRƏ MALİKDİR”
"Axios"a açıqlama verən Pentagon rəsmilərindən biri "Nazirliyin vəzifəsinin hərbi seçimləri hazırlamaq və Prezidentə təqdim etmək" olduğunu dilə gətirib. Ağ Evdən olan bir rəsmi isə Trampın hər zaman bütün seçimlərə sahib olduğunu vurğulayıb.
Ağ Ev rəsmisi, "ABŞ Hürmüz boğazının nəzarəti və çökməkdə olan İran iqtisadiyyatı sayəsində çox güclü mövqedədir. İran məhv olub və işlər iki yolla irəliləyəcək: ya asan yolla, ya da çətin yolla... Prezident Tramp bütün kozırları əlində saxlayır və ABŞ üçün ən yaxşısı nədirsə, onu edəcək" ifadələrini işlədib.
"Atlantic" jurnalı çərşənbə günü səhər saatlarında Trampın aralıq seçkilərindən əvvəl İrana hücum etməyi nəzərdən keçirdiyini yazıb.
“CAMP DAVID”DƏ İRAN TOPLANTISI
Trampın milli təhlükəsizlik komandası cümə günü müharibə və digər məsələləri müzakirə etmək üçün “Camp David”də bir neçə saat davam edən toplantı keçirib. İsrailli bir rəsmi toplantının bir hissəsinin İranla genişmiqyaslı döyüş əməliyyatlarının yenidən başlanması ehtimalına diqqət yetirdiyini söyləyib.
ABŞ-ın dövlət katibi Marco Rubio toplantıdan sonra verdiyi açıqlamada görüşün "uzunmüddətli" xarici siyasət planlaşdırmasına həsr olunduğunu bildirib. ABŞ və İran arasındakı danışıqlarda heç bir irəliləyiş əldə olunmayıb. Qətər vasitəçiləri ABŞ-ın nüvə güzəştləri tələblərini ehtiva edən əks-təklifinə İrandan hələ də cavab gözləyirlər.
“ARALIQ SEÇKİLƏRİNDƏN SONRA HÜCUM EHTİMALI ARTIR”
İkinci bir İsrail rəsmisi, "İranda genişmiqyaslı döyüş əməliyyatlarının yenidən başlanması ehtimalı ilə bağlı müzakirələr artıb. Seçkilərdən əvvəl bunun baş vermə ehtimalı yüksək deyil, lakin bunu da istisna etmirik. Aralıq seçkilərindən sonra hücumların başlama ehtimalı əhəmiyyətli dərəcədə artır" deyə bildirib.
TRAMP VƏ NETANYAHU İKİ DƏFƏ DANIŞIQ APARIB
Tramp çərşənbə günü İsrailin Baş naziri Benyamin ilə telefon danışığı aparıb. Həftələrlə demək olar ki, heç əlaqə saxlamadıqdan sonra bu, bir neçə gün ərzində baş tutan ikinci görüşləri olub. Amerikalı bir rəsmi Tramp və Benyaminin "7 oktyabr qətliamının qurbanlarını yad etmək və onlara hörmət göstərmək" barədə danışdıqlarını söyləyib. Görüş Benyaminin İran məsələsi ilə bağlı milli təhlükəsizlik komandası ilə keçirdiyi toplantıdan dərhal sonra baş tutub. Benyamin bazar günü Rubio ilə də fikir mübadiləsi aparıb.
İSRAİLİN MÜMKÜN ROLU
Əgər genişmiqyaslı döyüş əməliyyatları yenidən başlasa, bunlar böyük ehtimalla ABŞ və İsrailin birgə fəaliyyəti və İsrail ordusunun da iştirakı ilə baş tutacaq. İsrailli rəsmilər İran rəhbərliyinin "çarəsiz və paranoyak" olduğunu, bunun da ilk hücumu Tehranın həyata keçirməsinə səbəb ola biləcəyini söyləyiblər. Rəsmilər iranlıların iki gözlənilməz hücuma məruz qaldığını və üçüncüsünü yaşamaq istəmədiklərini müdafiə ediblər.
Müharibənin yenidən başlaması İranın cavab olaraq ölkəyə yüzlərlə balistik raket atması ehtimalı səbəbindən İsrail seçkilərinə də təsir edə bilər. Gərginliyin yenidən artması, hətta gərginliyin yüksəlməsi və ya fövqəladə vəziyyət rejimi Benyaminə siyasi olaraq fayda verə bilər. Rəsmilər İranın Benyaminə seçkilərdə üstünlük verməmək üçün qabaqlayıcı hücum həyata keçirməyə biləcəyini qeyd ediblər.
Telegram kanalımız
