Türkiyədən Ermənistanın suverenliyinə heç bir təhlükə görünmür.
"Yeni Sabah" xəbər verir ki, bunu Ermənistan Təhlükəsizlik Şurasının katibi Alen Simonyan bildirib.
"Türkiyədən Ermənistanın suverenliyinə heç bir təhlükə görmürəm. 8 avqustdan bəri heç bir təhlükə görmürəm. Rusiya hərbi bazasının mövcudluğunu Türkiyə ilə əlaqələndirmək istəmirəm", - o bildirib. pizza mizza
"Düşünmürəm ki, birini digəri ilə əlaqələndirmək lazımdır. Bu, Rusiya tərəfinin qaldırdığı müzakirə mövzusudur və nəticəsindən asılı olmayaraq, Ermənistan tərəfi buna hazırdır", - deyə Təhlükəsizlik Şurasının rəhbəri qeyd edib.
O, Rusiya Prezidentinin hərbi bazanın yerləşdirilməsi məsələsini qaldırdığını xatırladıb: "Güman edirəm ki, onların hansısa təklifi var, ya da bəlkə də çıxmaq istədiklərini düşünürlər. Bu, bizim üçün də məqbul seçimdir".
Xatırlatma: sentyabrın 17-də Ermənistanın Baş naziri Nikol Paşinyan Yerevanın Rusiya 102-ci hərbi bazasının ölkədə olması şərtlərini müzakirə etməyə hazır olduğunu bildirib:
"2022-ci ilin sentyabr hadisələri göstərdi ki, 102-ci hərbi baza Ermənistanın təhlükəsizliyi üçün vacib deyil. Rusiya onu geri çəkmək qərarına gələrsə, biz etiraz etməyəcəyik. Əgər onlar onu geri çəkməmək qərarına gəlsələr, biz məsələni müzakirə etməyə hazırıq. Artıq ehtiyac duymadığımız bir bazanın Ermənistan Respublikasında olması şərtlərini müzakirə etməyə hazırıq".
Telegram kanalımız
