"Bizdə idarəetmədə olan qadın işçilərin sayı azdır. İndiki şərait elədir ki, vəzifəsindən asılı olaraq maaşların çox yüksək olması da görünür".
Bu sözləri "Yeni Sabah"a açıqlamasında iqtisadçı Natiq Cəfərli deyib. O bildirib ki, tikintidə daha çox kişilər çalışır və orada bəzi hallarda maaşlar daha yüksəkdir:
"Bəzi hallarda qadınların karyera qurmasında başqa maneəçiliklər də olur. Məsələn: övladın dünyaya gəlməsi, bir neçə il işdən kənarda qalması karyeranın pillələrində irəliləməkdə müəyyən problemlər yarada bilir. Bu, fiziki işlə birbaşa əlaqəli bir sahə olan tikinti sahəsidir. Əslində tikintidə daha çox kişilər çalışır və orada bəzi hallarda maaşlar daha yüksəkdir. Ona görə də bu obyektiv reallıq məsələsi də bunun üçün da açıqdır. Dünyanın bir çox ölkələrində belə disbalans mövcuddur. Azərbaycanda da təəssüf ki, bu var". İnternet mağaza
Ekspert əlavə edib ki, ən çox yüksək maaş neft-qaz sektorundadır və orada da əsasən də platformalarda neft çıxaran, fiziki olaraq bu işlə məşğul olan insanların böyük əksəriyyəti kişilərdir:
"Amma dediyim kimi, bunun tikinti sektoru, neft-qaz sektoru – yeri gəlmişkən, ən çox yüksək maaş neft-qaz sektorundadır və orada da əsasən də platformalarda neft çıxaran, fiziki olaraq bu işlə məşğul olan insanların böyük əksəriyyəti kişilərdir. Yəni bax bu, tikinti və neft-qaz sektorundakı maaşların yüksək olması və orada kişilərin daha çox çalışması orta aylıq maaşlarla bağlı – yəni bütün sahələri götürəndə kişiləri önə çıxardır".
Qeyd edək ki, 2025-ci ilin nəticələrinə görə, Azərbaycanda kişilərin orta aylıq nominal əməkhaqqı 1 264 manat, qadınların isə 874 manat olub. Bu isə kişilərin orta əməkhaqqının qadınlarla müqayisədə təxminən 45% çox olması deməkdir. Nəticədə, qadın və kişilərin orta aylıq maaşı arasında 390 manat fərq yaranıb.
Nazim Hacıyev
Telegram kanalımız
