Filippində Manila şəhərindən Palavan əyalətinin Koron bölgəsinə gedən sərnişin bərəsində yanğın baş verib.
“Yeni Sabah” xəbər verir ki, hadisə zamanı gəmidə 117 sərnişin və 17 ekipaj üzvü olmaqla ümumilikdə 134 nəfər olub.
İlkin məlumata görə, yanğın nəticəsində 5 nəfər həyatını itirib, 42 nəfər xilas edilib. Hazırda 87 nəfərdən isə xəbər yoxdur. Dördpendirli pizza
Bildirilib ki, bərə hərəkətdə olarkən naməlum səbəbdən alovlanıb. Yanğının baş verməsindən sonra əraziyə xilasetmə qrupları cəlb olunub. Ekipajlar həm dənizdə axtarış-xilasetmə işləri aparır, həm də xilas edilən şəxslərə yardım göstərirlər.
Hazırda itkin düşən 87 nəfərin axtarışı davam etdirilir. Hadisənin başvermə səbəbi isə hələlik məlum deyil.
Yetkililər axtarış-xilasetmə əməliyyatının yekunlaşmasından sonra ölən və itkin düşən şəxslərin sayının dəqiqləşdiriləcəyini bildiriblər.
Aydan Hacı
Telegram kanalımız
