Gərginliyin artma riski yoxdur, mən bunu hələ görmürəm, bunu görəndə tam müdafiəyə keçəcəyik.
Yenisabah.az Armenian News-a istinadla xəbər verir ki, bunu parlamentin müdafiə və təhlükəsizlik daimi komissiyasının sədri, Ermənistanın hakim “Vətəndaş müqaviləsi” partiyasından olan deputatı Andranik Köçəryan deyib.
Onun sözlərinə görə, Azərbaycanla atışma qaydasız, mənasız və məqsədsizdir.
Deputat əmin edib ki, lazım gələrsə, erməni tərəfi düşmənə cavab verəcək. “Bu, isteriyanın təzahürüdür, bu dəfələrlə baş verib və aprelin 5-də keçirilən görüşlə heç bir əlaqəsi yoxdur”, - deyə Köçəryan vurğulayıb.
Onun sözlərinə görə, Ermənistan daxilində də sülh prosesinə mane olanlar var: “Sərhəddə atəş açılıb, pəncərələr sındırılıb. Biz onları təmir edəcəyik və hər şeyi edəcəyik ki, belə çəkilişlər hətta Aİ müşahidəçiləri səviyyəsində də qiymətləndirilsin, atışma olmasın”.
Telegram kanalımız
