Müdafiə Nazirliyinin hərbi qulluqçularının əməkhaqlarında ciddi artım gözlənilir. Bütün vergi və icbari ödənişlər tutulduqdan sonra hərbçilərin net maaşları orta hesabla 22,8 faiz yüksələcək.
"Yeni Sabah" xəbər verir ki, bu yenilik Milli Məclisin Müdafiə, təhlükəsizlik və korrupsiya ilə mübarizə komitəsində müzakirə olunan genişmiqyaslı qanun layihələrində öz əksini tapıb. Sənəd "Vergi Məcəlləsi" daxil olmaqla, hərbi qulluqçular, polis, gömrük, prokurorluq, daxili işlər, kəşfiyyat, ədliyyə, miqrasiya və fövqəladə hallar orqanlarında xidmət keçməni tənzimləyən bir sıra qanunlara dəyişiklikləri nəzərdə tutur.
Təklif edilən yeni mexanizmə əsasən, pensiya məbləği ilə təminat xərcliyi arasındakı birbaşa asılılıq ləğv ediləcək və pensiya ödənişləri vətəndaşın fərdi hesabında toplanan pensiya kapitalı əsasında formalaşacaq. Toyuqlu pizza
Bununla yanaşı, baza göstəricisi sayılan vəzifə maaşı rütbə maaşı ilə əvəzlənəcək və rütbə maaşının payı 70 faizə qədər qaldırılacaq. Bu islahatlar hərbi qulluqçuların sosial rifahının yaxşılaşdırılmasına və xidmətə həvəsləndirilməsinə xidmət edir.
Nazim Hacıyev
Telegram kanalımız
