Pepsi, Lay's və Doritos kimi qlobal brendlərin çətiri altında fəaliyyət göstərən ABŞ-nin "PepsiCo" şirkətində böyük struktur dəyişiklikləri və kadr ixtisarları həyata keçirilir.
“Yeni Sabah” xarici mediaya istinadən xəbər verir ki, şirkət mövcud əməliyyat strukturunu sadələşdirmək, qərar qəbuletmə mexanizmini sürətləndirmək və xərclərə daha sərt nəzarət etmək məqsədilə Kuzey Amerika mərkəzli təxminən 1.000 iş yeri ilə yollarını ayıracağını elan edib. Şirkətin rəhbər şəxslərindən biri olan Ram Krishnan tərəfindən işçilərə göndərilən daxili bildirişdə mövcud idarəetmə və iş sisteminin artıq həddindən artıq mürəkkəb və parçalanmış hala gəldiyi vurğulanıb.
Bu qəfil yenidənqurma dalğasının arxasında yalnız daxili idarəetmə hədəfləri deyil, həm də bazarda son dövrdə baş verən ciddi itkilər dayanır. Şirkətin əsas korporativ müştərilərindən biri olan KFC fast-food şəbəkəsi restoranlarındakı içki təchizatı müqaviləsini əsas rəqibi olan Coca-Cola şirkətinə verib. Bu böyük müştəri itkisi qida nəhənginin rəhbərliyinin üzərindəki təzyiqləri zirvəyə çatdırıb. Bakıda online alış-veriş
Digər tərəfdən, qlobal miqyasda yaşanan inflyasiya təzyiqləri və qiymət artımları səbəbindən istehlakçıların xərcləmə vərdişlərini dəyişməsi duzlu qəlyanaltı bazarını da birbaşa sarsıdıb. Cheetos, Doritos və Lay's kimi flaqman brendləri ilə tanınan şirkət bazar payının azalması fonunda daha az işçi qüvvəsi və sərt maliyyə nizam-intizamı ilə yeni dövrə hazırlaşır. Yaxın həftələrdən etibarən bir çox departamentdə qüvvəyə minəcək bu tasfiye dalğası qida sektorundakı qlobal rəqabətin nə qədər kəskin həddə çatdığını bir daha nümayiş etdirir.
Telegram kanalımız
