Əlәt-Astara avtomobil yolunun Lәnkәran rayonu, Göyşaban kәndindәn keçәn hissәsindә, yol kәnarında fәaliyyәt göstәrәn “Mandarin” hotelə basqın olub.
"Yeni Sabah" xəbər verir ki, bıçaqla hotelə basqın edən şəxs orada xadimə işləyən Kəmalə Həsənova və qeydiyyatçı kimi fəaliyyət göstərən qızı Minayə Həsənovaya məxsus üzərilərində olan qızılları tələb edib.
Quldurluq yolu ilə qadınlara məxsus ümumilikdə 5100 manat dəyərində qızılları quldurluq yolu ilə ələ keçirən şəxs hadisə yerindən uzaqlaşıb. Bakıda online alış-veriş
Nə qədər qəribə olsa da, araşdırmalar nəticəsində məlum olub ki, quldurluq hadisəsini törədən şəxs “Mandarin” hotelini işlədən, icarədar Xalıq Cahangirovdur.
Keçirilmiş müvafiq әmәliyyat-axtarış tәdbirlәri nәticәsindә o, Heydər Əliyev Beynəlxalq Hava Limanından Gürcüstana qaçmaq istəyərkən saxlanılıb.
X.Cahangirova qarşı Cinayət Məcəlləsinin 181.2.4 vә 181.2.5-ci maddәlәri ilə ittiham irəli sürülüb. Onun basqından istifadə etdiyi maska, әlcәk və digər ləvazimatlar yaxınlıqdakı tikilinin ərazisində tapılıb.
Təqsirləndirilən şəxs məhkəmədə ifadəsində cinayət əməlini çoxlu borcu olması səbəbindən törətdiyini bildirib. Onun ailəsi tərəfindən zərərçəkmiş şəxslərə dəymiş ziyan ödənilib.
Lənkəran Ağır Cinayətlər Məhkəməsinin hökmünə əsasən, X.Cahangirov 8 il müddətinə azadlıqdan məhrum edilib.
Qeyd edək ki, “Mandarin” hotelin sahibi Rövşən İsgəndərovdur. /Xitab24.az
Telegram kanalımız
