Ermənistan MDB ölkələrinə münasibətdə həmişə özünü tərəfdaş kimi aparmır.
Yenisabah.az xəbər verir ki, bunu Belarus prezidenti Aleksandr Lukaşenko Bişkekdə bildirib.
Onun fikrincə, MDB-də vəziyyəti daha tənqidi qiymətləndirmək və "başımızı qumda gizlətməmək lazımdır". pizza hut
“Qərb bu günə qədər bizi sarsıtmağa, zəiflətməyə və öz maraqlarına tabe etməyə cəhd etməkdə davam edir. Birincisi, Gürcüstan bizim assosiasiyadan çıxdı, de-fakto, Ukrayna bizimlə deyil. Moldova haqqında böyük suallar var. Təəssüf ki, Ermənistan da özünü heç də həmişə tərəfdaş kimi aparmır”, - deyə dövlət başçısı bildirib.
Lukaşenko vurğulayıb ki, bunu kənardan sakitcə müşahidə etmək olmaz, “əks halda biz sadəcə olaraq parça-parça olacağıq”.
“Görürük ki, bir anda başımıza atılan bütün köhnə münaqişələr qaçılmaz olaraq çox acınacaqlı nəticələrlə üzə çıxır. Tanrıya şükürlər olsun ki, nəinki bu münaqişələrin həllinə meyl var, hətta bəzilərinin öhdəsindən uğurla gəlinib”, - Lukaşenko bildirib.
Telegram kanalımız
