Argentina Lionel Messinin yığma komandadakı vida matçında Benin seçməsini 3:0 hesabı ilə məğlub edib.
"Yeni Sabah" xəbər verir ki, Buenos-Ayresdəki "Monumental Antonio Vespussi Liberti" stadionunda keçirilən qarşılaşmadan əvvəl tribunaya Messinin 10 nömrəli formasının və "GRACIAS" yazısının əks olunduğu nəhəng banner açılıb.
Əfsanəvi hücumçu Argentina millisində ilk oyununu 2005-ci ilin avqustunda Macarıstana qarşı keçirilən yoldaşlıq görüşündə (2:1) keçirib. Messi yığmanın heyətində ümumən 208 matçda 126 qol vurub və 69 məhsuldar ötürmə edib. Dominos pizza
O, Argentina ilə 2022-ci ildə dünya çempionu olub, 2 dəfə Amerika Kubokunu (2021, 2024) və 2022-ci ildə Finalissimani qazanıb.
Messi daha əvvəl 2026-cı il dünya çempionatından sonra Argentina millisində çıxışını başa çatdıracağını bəyan edib.
Telegram kanalımız
