Pakistanda sabiq baş nazir İmran Xan tərəfdarlarının kütləvi etiraz aksiyaları və nümayişləri yenidən geniş vüsət alıb.
“Yeni Sabah” xəbər verir ki, hökumət nümayəndələri ilə müxalifət arasında aparılan danışıqların iflasa uğramasından sonra minlərlə etirazçı keçmiş hökumət rəhbərinin həbsdən azad edilməsi tələbi ilə ölkənin şimal-qərb bölgələrindən paytaxt İslamabada doğru kütləvi yürüşə başlayıb.
Aksiya iştirakçıları İmran Xana qarşı irəli sürülən ittihamların siyasi motivli olduğunu bildirir və onun dərhal azadlığa buraxılmasını, eləcə də ölkədə ədalətli seçkilərin keçirilməsini tələb edirlər. Hüquq-mühafizə qüvvələri paytaxtın giriş-çıxış yollarında təhlükəsizlik tədbirlərini gücləndirib, əsas magistrallarda maneələr quraşdırıb. pizza sifarişi
Hökumətin etirazların qarşısını almaq üçün gördüyü sərt tədbirlərə baxmayaraq, ölkə miqyasında nümayişçilərlə təhlükəsizlik qüvvələri arasında toqquşma riskinin və siyasi böhranın daha da dərinləşəcəyi proqnozlaşdırılır.
Nazim Hacıyev
Telegram kanalımız
