Papa Fransisk yorğunluq və ya səhhətində yaranan problemlərə görə təqaüdə çıxa biləcəyini və bununla bağlı yaxın adamlarla məsləhətləşdiyini bildirib.
Yenisabah.az RSI-yə istinadla xəbər verir ki, o, istefa qərarı ilə sualı belə cavablandırıb:
“Hər şeyi aydın görməyə imkan verməyən yorğunluq. Aydınlığın, vəziyyətləri dəqiq qiymətləndirmək bacarığının yoxluğu. Hətta fiziki problem də ola bilər”. pizza
Papanın sözlərinə görə, diz xəstəliyi onun üçün fiziki əzaba çevrilib və əlil arabasından istifadə etmək zərurətindən bir az utanır.
Roma Papası daha əvvəl bəyan etmişdi ki, papalıq xidmətini ömürlük hesab edərək istefa vermək haqda düşünmür. O xatırladıb ki, papa vəzifəsinə seçildikdən dərhal sonra səhhəti ciddi şəkildə pisləşdiyi təqdirdə taxtdan imtina etmək barədə sənəd imzalayıb.
Papa Fransisk diz oynağında şiddətli ağrılardan əziyyət çəkir və bu da onu əlil arabasından istifadə etməyə məcbur edir.
Telegram kanalımız
