Rusiya Federasiyası Ukraynaya qarşı müharibəni geosiyasi baxımdan artıq uduzub, çünki o, faktiki olaraq Çinin vassalı olub və Baltik dənizinə çıxışını itirib.
Yenisabah.az "L'Opinion"a istinadla xəbər verir ki, bunu Fransa prezidenti Emmanuel Makron deyib.
O bildirib: “De-fakto, Rusiya Çinə tabe oldu və Baltik dənizinə çıxışını itirdi, bu da İsveç və Finlandiyanı NATO-ya üzv olmaq qərarına gəlməyə sövq etdiyi üçün son dərəcə vacib idi. 2 il əvvəl bunu təsəvvür etmək mümkün deyildi. Bu, artıq geosiyasi məğlubiyyətdir”. Marqarita pizza
Makronun fikrincə, gələcəkdə Avropa təhlükəsizlik arxitekturası Ukraynanı qorumalı, eyni zamanda Rusiya Federasiyası ilə qarşıdurmanı təmin etməməlidir.
“Ukraynalılara əks-hücumda necə kömək etmək, qaçılmaz olaraq baş tutacaq danışıqlarda təhlükəsizlik təminatı məsələsini necə hazırlamaq bizdən asılıdır. Mən həmişə demişəm ki, sonda Avropa təhlükəsizlik arxitekturası Ukraynanı tam şəkildə qorumalı olacaq. Amma bu həm də Rusiya ilə qarşıdurma yaratmamaq və davamlı qüvvələr balansının bərpasını əhatə etməlidir. Lakin buna çatana qədər hələ çoxlu addımlar atılmalıdır”, - deyə Fransa prezidenti vurğulayıb.
Telegram kanalımız
