Türkiyənin Şanlıurfa əyalətində orta güclü zəlzələ baş verib.
“Yeni Sabah” xəbər verir ki, Fövqəladə Halların İdarə Olunması Agentliyinin (AFAD) məlumatına görə, yerli vaxtla saat 10:40-da qeydə alınan yeraltı təkanların ocağı Karaköprü rayonu olub. Böyüklüyü 5,4 bal olan zəlzələ yerin 7,39 kilometr dərinliyində baş verib.
Sarsıntı Şanlıurfa ilə yanaşı Diyarbəkir, Qaziantep, Adıyaman, Mardin və Malatya kimi ətraf əyalətlərdə də hiss olunub. Həyəcanlanan sakinlər küçələrə axışaraq açıq havada gözləməyə üstünlük veriblər. Sezar pizza
İlkin rəsmi məlumatlara görə, yeraltı təkanlar nəticəsində hər hansı dağıntı və ya tələfat qeydə alınmayıb. Ərazidə monitorinq və araşdırma işləri davam etdirilir.
Nazim Hacıyev
Telegram kanalımız
