Xəbər verdiyimiz kimi, Xalq artisti Şahnaz Haşımovanın səhhətində problem yaranıb. 66 yaşlı xanəndə Gəncə Şəhər Birləşmiş Xəstəxanasının tabeliyində olan Abbas Səhhət adına Xəstəxanaya yerləşdirilib.
Yenisabah.az bildirir ki, Əməkdar artist Aybəniz Haşımova bacısının səhhəti haqqında açıqlama verib. O, bacısının Gömrük hospitalına yerləşdirildiyini açıqlayıb:
"Əziz dostlar, bilirəm hamınız çox narahatsınız. Gəncə rəhbərliyi, səhiyyəsi, Mədəniyyət idarəsi bütün imkanları daxilində bacım Şahnaz xanıma hər şey etdilər. Amma vəziyyətinin daha da yaxşı olmağı üçün ailəmizin, xalqımızın çox sevdiyi Milli Məclisin deputatı, çox dəyərli həkim-kardioloq Rəşad Mahmudov müalicəsinin davamını Gömrük Hospitalında davam etdirəcək. Bacım Şahnaz Haşımovaya indiyədək göstərilən yüksək qayğı, diqqətə görə bütün ailəmiz adından çox təşəkkür edirəm". Sezar pizza
Ş.Haşımovanın vəziyyətinin hazırda stabil olduğu bildirilir.
Telegram kanalımız
