Azərbaycanda koronavirus əleyhinə vaksinasiya prosesində əsasən “Sinovac” preparatından istifadə olunur. 5 növ vaksin arasından “Pfizer”ə üstünlük verənlərin istəkləri boşa çıxır. Poliklinika və xəstəxanada həmin vaksinin olmadığı, yaxud az olduğu deyilir, növbəyə yazılma tələb edilir.
Tibb Universitetinin Tədris Terapevtik Klinikasının Şüa diaqnostikası şöbəsinin müdiri, radioloq həkim Aydın Əliyev Yenisabah.az-a bildirib ki, bütün dünyada vaksin tələbatının artması ucbatından “Pfizer”dən hissə-hissə istifadə edirlər:
“Hazırda bütün dünya peyvənd axtarışındadır. Ola bilər ki, hazırda ölkəmiz istədiyi qədər “Pfizer” vaksini ala bilməyib. Buna görə də ondan hissə-hissə istifadə edirlər. Çünki hər bir insana 2 doza vurulur”. pizza hut
Həkim “Pfizer”in saxlanılması üçün bütün xəstəxanalarda şəraitin olmadığını da nəzərə çatdırıb:
“Pfizer vaksinini saxlamaq üçün “soyuqzəncir” deyilən bir şey var. Səhv etmirəmsə, onu -70 dərəcə də saxlamaq lazımdır. “Sinovac”ın bütün xəstəxanalarda olmasının səbəbi isə onu müsbət 2 dərəcəyə qədər saxlamağın mmkünlüyüdür. Lakin “Pfizer” üçün dərin dondurucu lazımdır”.
Nəzrin Vahid
Telegram kanalımız
