Bakıxanov qəsəbəsində iki azyaşlı mənzildə bağlı qapı arxasında köməksiz vəziyyətdə qalıb.
"Yeni Sabah" xəbər verir ki, bu barədə Fövqəladə Hallar Nazirliyi məlumat yayıb.
FHN-in “112” qaynar telefon xəttinə Sabunçu rayonunun Bakıxanov qəsəbəsində yerləşən çoxmərtəbəli yaşayış binasındakı mənzildə iki azyaşlının bağlı qapı arxasında qalması barədə məlumat daxil olub. Dominos pizza
Hadisə yerinə FHN-in Xüsusi Riskli Xilasetmə Xidmətinin xilasediciləri cəlb olunublar. Məlum olub ki, mənzildə olan uşaqlar qapının döyülməsinə və telefon zənglərinə reaksiya vermirlər.
Xilasedicilər xüsusi alpinist ləvazimatlarından istifadə edərək doqquzmərtəbəli binanın 2-ci mərtəbəsində yerləşən mənzilə qonşu eyvandan daxil olublar. Mənzildə yatmış vəziyyətdə aşkarlanan 2018 və 2019-cu il təvəllüdlü iki uşaq yaxınlarına təhvil verilib.
Aytac Əliyeva
Telegram kanalımız
